حکومەتی ڤەنزوێلا ڕاگەیاند، گروپێک سەربازی پارەیی پەیوەندیان لەگەڵ مۆساد هەبوو و هەوڵیان دەدا بە هێرشی ساختە شەڕی سەربازی دروست بکەن دەستبەسەر کران.

لە بەیاننامەکەی حکومەتدا ئاماژەی بەوەکردووە، گروپەکە خۆیان ئامادە دەکرد بۆ هێرشکردنە سەر کەشتییەکی ئەمریکی لە نزیک سنووری دەریایی نێوان ڤەنزوێلا و ترینیداد وەک هەوڵێک بۆ شەرعیەتدان بە دەستێوەردانێکی سەربازی بە سەرۆکایەتی ئەمریکا.

هەروەها لە بەیاننامەکەدا جەخت لەوە کراوەتەوە کە هەر هێرشێک بۆ سەر ڤەنزوێلا وەڵامێکی یەکلاکەرەوەی لەگەڵدا دەبێت و ئاماژەی بەوەشکردووە، ئەو وڵاتە "بەبێ دوودڵی بەرگری لە سەروەری خۆی دەکات."(İLKHA)